Tuarascáil Ghníomhaíochta an Bhainc Eorpaigh Infheistíochta, 2017

Description

Tionchar Amach Anseo

Tugann an líon thar na bearta margaí le fios go bhfuil an Banc Eorpach Infheistíochta ag tacú le comhlachtaí beaga agus nua-thionscanta, a chuirfidh borradh faoin ngeilleagar agus faoi phoist as seo go ceann i bhfad, de bhreis ar a shaothar traidisiúnta le heintitis mhóra.

Tugtar breac-chuntas sa Tuarascáil ar ghníomhaíochtaí an Bhainc le linn 2017, lena n-áirítear cás-staidéir ar an tacaíocht a thug sé do na nithe seo a leanas:

• Nuálaíocht: gnóthas nuathionscanta sárthoilleora san Eastóin
• Gnóthais Bheaga agus Mheánmhéide: déantúsóir bréagán eolaíochta sa Phortaingéil
• Infreastruchtúr: airgead do chomhlachtaí beaga uisce san Iodáil le cabhrú leo dramhaíl a laghdú
• Comhshaol: cuideachta sa Fhrainc atá tar éis teacht ar bhealach cliste nua le tíotáiniam luachmhar a athchúrsáil
• Forbairt dhomhanda: cuideachta baincéireachta soghluaiste san Aetóip atá ar tí an earnáil a athrú ó bhonn

Tá sa Tuarascáil freisin tuairiscí ar an infheistíocht atá déanta ag an mBanc sa chibearshlándáil, chomh maith le staidéar eacnamaíochta ar an tionchar a bheidh ag infheistíochtaí dá chuid amach anseo. Ag deireadh na Tuarascála déantar plé ar na hiasachtaí a fhaigheann an Banc ar na margaí caipitil agus ar chúrsaí rialachais, lena n-áirítear fiosruithe frithchalaoise, inbhuanaitheacht, agus an mheicníocht déanta gearán.