L-għan tal-BEI huwa li jipprovdi informazzjoni disponibbli f’bosta lingwi sabiex tkun tista’ tinftiehem mill-udjenzi diversi tiegħu.
Il-funzjonijiet ta’ navigazzjoni u l-biċċa l-kbira tal-kontenut fuq is-sit web huma disponibbli bi tliet lingwi ewlenin direttament mill-indirizzi web li ġejjin:
L-Ingliż (www.eib.org/en)
Il-Franċiż (www.eib.org/fr)
Il-Ġermaniż (www.eib.org/de)
Jekk tixtieq tibdel is-settings tal-lingwa tiegħek fuq is-sit web tal-BEI f’waħda mil-lingwi msemmija hawn fuq, agħżel il-lingwa ppreferuta tiegħek mil-lista li tinfetaħ fir-rokna tal-lemin ta’ fuq. Lingwi oħrajn huma disponibbli għal xi paġni permezz ta’ opzjoni ta’ għażla tal-lingwa.
Informazzjoni speċjalizzata hija disponibbli bit-tliet lingwi ewlenin tas-sit web u l-lingwa li tintuża l-aktar mill-udjenza li għaliha hija maħsuba l-informazzjoni.
- Il- paġni tal-pajjiżi tal-Unjoni Ewropea kif ukoll id- dettalji ta’ kuntatt tal-uffiċċji lokali tal-BEI huma disponibbli bit-tliet lingwi ewlenin tas-sit web u l-lingwa/i nazzjonali uffiċjali tal-pajjiż speċifiku.
- Stqarrijiet għall-istampa dwar proġetti tal-BEI huma disponibbli bit-tliet lingwi ewlenin tas-sit web u l-lingwa tal-pajjiż fejn il-proġett ikun iffirmat jew implimentat.
- Il-paġni tal-profil għall- President u l-Viċi Presidenti huma disponibbli bit-tliet lingwi ewlenin tas-sit web u l-lingwa uffiċjali tal-pajjiżi rispettivi tagħhom.
- Il-paġni li ġejjin huma disponibbli bil-lingwi uffiċjali kollha tal-UE:
- Ħarsa lejn il-Bank Ewropew tal-Investiment
- Paġni ta’ pubblikazzjoni tar-rapport tal-attività tal-BEI
- Politika ta’ Trasparenza tal-Grupp tal-BEI
- Informazzjoni dwar il-Mekkaniżmu tal-Ilmenti tal-Grupp tal-BEI
- Stqarrijiet għall-istampa dwar il-konferenza stampa annwali tagħna
- Il-paġna tal-Kumitat tat-Tmexxija tagħna
- Il-paġni tagħna dwar Relazzjonijiet mal-Investituri huma disponibbli bil-Ġappuniż.
Aħna nisimgħu liċ-ċittadini meta jkollhom domandi jew tħassib dwar proġett, politika jew attivitajiet tal-Grupp tal-BEI. Fil-fatt, iċ-ċittadini jistgħu jindirizzaw domandi lill-BEI bil-lingwi uffiċjali kollha tal-UE u l-formola tal-ilmenti tagħna u l- formola biex tirrapporta aġir ipprojbit fi ħdan il-Grupp tal-BEI, huma disponibbli bil-lingwi kollha tal-UE.