„Континуирано инвестираме во иновации и нови технологии, помагајќи му на македонскиот печатарски сектор да остане конкурентен на регионалните и европските пазари“.
Што треба да знаете
Три македонски компании – Дема Стил, Киро Дандаро и Хотел Памела – ја надградија опремата и усвоија решенија за чиста енергија, поддржани од Европската инвестициска банка. Инвестициите ги зголемуваат локалните работни места и им помагаат на бизнисите да се натпреваруваат на регионалните и на пазарите на ЕУ.
Зошто ова е важно
Малите компании ја движат економијата во Северна Македонија. Пристапот до предвидливо, долгорочно финансирање е клучен за нивна модернизација, особено во време кога цените на енергијата се нестабилни, а новите климатски регулативи на ЕУ ги поттикнуваат локалните индустрии да ја забрзаат декарбонизацијата. Инвестирањето во ефикасна машинерија и обновливи извори на енергија ги намалува трошоците за енергија и за емисии.
Бројки што ја раскажуваат приказната
- 70 %: подобрување на енергетската ефикасност за Дема Стил по замената на застарената опрема со автоматизирани машини од следната генерација.
- 50 %: зголемување на производството на компанијата.
Зелено финансирање за Северна Македонија од ЕУ
По распадот на Југославија пред повеќе од 35 години, семејството Симонов виде можност да создаде нешто свое. Тие ја основаа Дема Стил во раните 90-ти години со една машина и постепено се проширија во производител на играчки што ги опслужува пазарите низ целиот свет.
„Сакавме да направиме креативни, безбедни играчки за деца од сите возрасти“, вели Сашо Симонов, кој работи со своите брат, син и татко во семејната фабрика.
За да го зголеми производствениот капацитет, Дема Стил обезбеди заем од 500.000 евра во 2024 година од ПроКредит Банка Македонија поддржан од Европската инвестициска банка. Дема Стил ги инвестираше парите во голема надградба на машините.
„Ова значително го зголеми производството и енергетската ефикасност,“ вели Симонов.
Новата технологија значи дека еден оператор сега може да надгледува десетици машини, при што системите паузираат за време на ладењето и други фази – промена што „значително ја намалува непотребната потрошувачка на енергија“, додава тој.
„Тоа ни овозможи да создадеме нови работни места и да обезбедиме обука за напредни технологии, што ги зајакна нашите тимови и производствени капацитети“.
Како финансиската гранка на ЕУ ѝ помага на Северна Македонија да стане зелена
Европската инвестициска банка го насочува зеленото финансирање преку локалните партнерски банки, така што компаниите можат да го модернизираат работењето, да инсталираат обновлива енергија и да ја подобрат ефикасноста. Нејзината програма за зелено финансирање од 100 милиони евра со Развојната банка на Северна Македонија им овозможува на комерцијалните банки-учеснички да понудат финансирање по поволни услови за малите бизниси низ целата земја. Програмата:
- поддржува инвестиции во енергетска ефикасност, обновлива енергија и циркуларна економија;
- обезбедува предвидливи каматни стапки за мали и средни претпријатија (МСП) за да им помогне да планираат долгорочни надградби.
„Соработуваме со владата и Развојната банка на Северна Македонија за да ги поддржиме клучните економски приоритети и да обезбедиме финансирање, како и знаење за бизнисите, вели Бјорн Габриел“, раководител на канцеларијата на Европската инвестициска банка во Северна Македонија.
Експертски увид
Александар Тодоров е заменик-директор на филијала во ПроКредит Банка Македонија.
П: Која е клучната предност на ова финансирање?
О: Предвидливите каматни стапки се од суштинско значење за македонските компании, бидејќи овозможуваат посигурно планирање на долгорочните инвестиции. На несигурен пазар, каматните стапки стануваат клучен фактор што влијае на целокупните стратешки избори.
Иновацијата го удвојува производството за малите и средни претпријатија во Северна Македонија
Една компанија што ја користи програмата за забрзување на иновациите е Киро Дандаро, водечка печатница основана во 1944 година. Од мала работилница со 22 вработени, таа прерасна во модерна графичка компанија со тим од 200 вработени, произведувајќи сè, од визит-картички и брошури до амбалажа за храна и лекови.
Со заем од 2,8 милиони евра добиен преку НЛБ Банка АД Скопје во 2024 година, Киро Дандаро го надгради своето производство на амбалажа со нова машина за флексибилно пакување.
„Автоматизацијата го зголеми нашиот производствен капацитет за 100 %, осигурувајќи дека поефикасно ги задоволуваме барањата на клиентите, а воедно ги одржуваме највисоките стандарди“, вели генералниот директор Петар Милошевски.
Инвестицијата во енергетски ефикасна опрема го зголеми квалитетот, го поедностави работењето и го намали влијанието врз животната средина.
Туризмот во Северна Македонија добива поттик за чиста технологија
Goran Sivački
Туризмот исто така има придобивки.
Во Неготино, хотелот Памела искористи заем од 150.000 евра поддржан од Европската инвестициска банка за инсталирање соларни панели, реновирање 25 соби и за отворање нов ресторан.
„Соларните панели значително ги намалија нашите трошоци за енергија, го намалија јаглеродниот отпечаток и ни овозможија да работиме на поодржлив начин“, вели менаџерот на хотелот Петар Ивановски. „Панелите сега снабдуваат топла вода за целиот објект, намалувајќи ја потрошувачката на енергија за 40 % и правејќи го имотот енергетски независен“.
Овие надградби ја подобруваат удобноста на гостите и ги поддржуваат напорите на градот да се позиционира како дестинација во развој, вкоренета во вековните традиции на производство на вино.
Клучни факти
2.500
компании поддржани со заеми од ЕИБ
од 2009 година
140.000
работни места поддржани од тие заеми
Чистата технологија нуди работни места и можности
Со континуирано зелено финансирање и техничко знаење, повеќе македонски бизниси можат да усвојат одржливи технологии што ги намалуваат трошоците, ја штитат животната средина и градат долгорочна конкурентност – осигурувајќи им на претприемачите во земјата да продолжат да создаваат работни места и можности дома.
Прочитајте повеќе
L’investissement se met au vert
Grâce au programme de la BEI, des banques de Macédoine du Nord aident les entreprises à investir dans l’action pour le climat
Des usines intelligentes et un avenir plus propre
Le soutien de l’UE aux petites entreprises en Macédoine du Nord renforce le secteur privé et stimule les énergies renouvelables
Северна Македонија и ЕИБ
Најнови вести и информации за развојната работа на ЕИБ во Северна Македонија
DBNM LOAN FOR SMES MID-CAPS AND GREEN TRANSITION
EUR 100m credit line to the Development Bank of North Macedonia (DBNM) to address liquidity and investment needs of SMEs, Mid-Caps and other eligible entities in the Republic of North Macedonia. The facility targets at least 30% CA&ES projects, with particular focus on energy efficiency interventions.
