Cyril ROUSSEAU

Din is-CV hija bbażata fuq informazzjoni mogħtija lill-BEI mill-persuna kkonċernata.

Cyril Rousseau ngħaqad mal-Bank Ewropew tal-Investiment bħala Direttur Ġenerali tad-Direttorat tal-Finanzi fl-1 ta’ Ottubru 2023. Huwa qabel kien il-kap eżekuttiv ta’ Agence France Trésor fejn beda fl-2021.

Cyril Rousseau huwa gradwat mill-École Polytechnique u l-École nationale supérieure de techniques avancées (ENSTA). Huwa beda l-karriera tiegħu fl-2001 fid-direttorat tal-akkwisti tal-Ministeru tad-Difiża Franċiż, imbagħad ingħaqad mat-taqsima internazzjonali tad-Direttorat Ġenerali tat-Teżor (DGT) fl-2004, qabel ma ħa r-rwol ta’ Kap tal-Operazzjonijiet tas-Swieq ma’ Agence France Trésor mill-2006 sal-2009. Imbagħad huwa kien il-Kap tal-Għajnuna Uffiċjali għall-Iżvilupp u l-Banek Multilaterali tal-Iżvilupp mad-DGT (2009-2911), u ngħaqad mal-Ambaxxata Franċiża f’Beijing bħala Kunsillier Ekonomiku u Finanzjarju. Fl-2014, huwa nħatar Viċi Direttur Amministrattiv tal-fond il-ġdid tal-gvern maħluq biex jappoġġa awtoritajiet lokali Franċiżi esposti għal responsabbiltajiet ta’ riskji tas-suq għoljin. Wara li mar lura fid-Dipartiment tat-Teżor f’Novembru 2015, huwa suċċessivament kellu l-karigi ta’ Viċi Assistent Segretarju għall-Iżvilupp u l-Affarijiet Finanzjarji Multilaterali, u f’din il-kapaċità kien Viċi Chairman tal-Paris Club u membru tal-Bord tad-Diretturi tal-Bank Ċentrali tal-Istati tal-Afrika tal-Punent u l-Fond Ekoloġiku tal-Klima, u, minn Frar 2020, Viċi Kap Eżekuttiv ta’ Agence France Trésor.